Kalibo Aklan —– Nakaguwa eon it ospital ro daywa pang COVID-19 patient sa probinsiya it Aklan .
Ro 66-anyos nga babaying retired government employee nga taga-banwa it Kalibo hay natapnan sa anang 69-anyos nga mister nga sangka lay minister nga may travel history sa Metro Manila ag padayun pa nga naka-admit sa isolation room it Aklan Provincial Hospital.
Ko abril 2, na-admit imaw sa nasambit nga ospital matapos magpositibo sa virus sa nagguwa nga laboratory test results halin sa Western Visayas Medical Center (WVMC) sa Iloilo City.
Samtang, kadungan kara nga nagguwa sa ospital ro 40-anyos nga seaman nga taga-Kalibo man nga na-confine ko Abril 5.
Sa ginpatigayon nga repeat test, nagkumpirma nga negatibo eon ro daywa sa sakit.
Maskin nga nakaguwa eon sa ospital ro daywa hay igapaidaeum gihapon sanda sa 14-day home quarantine nga kinahangean para sa mga nagkasakit it COVID-19.
Ro andang second repeat test hay parehong pagahiwaton sa Abril 27.
Ko Abril 22, nakaguwa man sa ospital ro pinakaunang COVID-19 patient sa Aklan nga sangka 81-anyos nga eaeaki halin sa Libacao, Aklan.
Sa pihak nga parte, nakaguwa man ro 60-anyos nga German National halin sa San Jose, Romblon matapos nga ma-clear sa sakit.
