KALIBO, Aklan —- Nagpaabot it pagtamyaw ro lokal nga probinsiya it Aklan matapos nga makabo-oe it bueawan nga medalya ro Aklanon nga si Francine Padios kaibahan ro anang coach nga si Freddie Jizmundo, Jr. sa Pencak Silat sa 31st Southeast Asian Games sa Hanoi, Vietnam.
Si Padios hay ginbueos kay 2018 Asian Games bronze medal winner Cherry May Regalado nga nakaangkon it knee injury antes ro 2019 SEA Games.
Madumduman nga nagboesa ro mga Pinoy pencak silat warriors it sangka gold ag daywang silver nga medalya ko 2019 Manila SEA Games.
Nagpaidaeum sa training ro bilog nga koponan sa Nueva Ecija para sa sangka bubble training bilang pagpahaum sa Vietnam SEA Games.
Kabilugan nga 18 atleta nga ginaeakipan it 13 nga eaeaki ag 5 babaye ro sumabak sa nasambit nga biennial event sa pagpanguna nanday 2019 SEAG gold medalist Edmar Tacuel (men’s tunggal) ag silver medal winners Alfau Jan ag Almohaidib Abad (tunggal/ganda event).
Nagbalik man sa koponan si 2017 SEAG gold medalist Dines Dumaan.
