KALIBO, Aklan — Daywang barangay tanod ro naninahan matapos nga magbaearilan sa barangay hall sa Poblacion, Pilar, Abra.
Ro mga biktima hay ginkilaea kanday Romel Reyes ag Denver Cayetano, kun sa siin samtang naga-inuman hay nakaangkon it diskusyon bangud sa gina-alegar nga sangka babaye nga pareho nanda nga ginakailaan.
Base sa imbestigasyon, nag-init ro owa pagka-ilintindihan kat naggabot it baril si Cayetano ag binaril si Reyes nga dayun man nga nagbaeos it eupok.
Sangka nagtaeang nga bala ro tumama sa sambilog pa nanda nga kaibahan nga si Alvin Apolonio, nga nakapungko maeapit kanda.
Nag-angkon it mga nina sa tiyan sanday Cayetano ag Reyes ag makaron hay nagapamayad eon sa ospital.
Narekober it mga pulis sa crime scene ro mga basiwo it bala it kalibre .45 apang owa it nakitang baril.
Ginkumpirma ni Pilar Mayor Tyron R. Beronia nga ro insidente hay naghalin sa sangka personal nga away ag owa it eamod it pulitika.
Nagapatigayon eon it imbestigasyon agud nga matumod ro administratibong saeabton it daywa.
