Kalibo Aklan ——Ginpaeawig pa hasta sa Mayo 8 ro deadline sa pag-apply para sa Small Business Wage Subsidy (SBWS) program it gobyerno nga nagatuyo nga mataw-an it bulig ro mga maintok nga mga negosyante nga indi makasarang nga magbayad it sweldo sa andang mga empleyado tuga it coronavirus disease (COVID-19) pandemic.
Suno kay Stephanie Joy Espino, tagapaghambae it Social Security System (SSS)-Aklan nga gin-gamit it gobyerno ro andang ahensiya kaibahan ro Department of Finance ag Bureau of Internal Revenue (BIR) agud nga ipatuman ro nasambit nga programa agud nga makabo-oe it P5,000 hasta P8,000 pesos nga balor it bulig pinansiyal ro mga empleyado nga naapektuhan it COVID-19 pandemic.
Ginklaru pa kara nga ro employer ro dapat nga mag-apply para kara .
Sa pag-proseso , raya hay naga-umpisa sa BIR pinaagi sa pagbo-oe it passcode antes nga maka-apply sa SSS para sa andang mga empleyado .
Ginpahayag dugang nga ro mga kwalipikadong employers eamang ro pwedeng mag-apply para sa andang mga workers eabi eon ro compliant sa pagbayad it buwis sa BIR antes ro pandemya.
Ro pag-release it subsidy hay nag-umpisa ko Mayo 1 hasta May 15 para sa unang tranche ag ro ikaywang bugso hay sa May 16 hasta 31 .
Sa Aklan hay makabaton it 6,000 pesos nga subsidy.
