Nag-abot eon sa 35 ro numero it mga namatay sa insidente it pagkasunog it pampasaherong barko nga MV June Aster maeapit sa Coron, Palawan.
Base sa report, kapin gihapon sa 54 nga katawo ro padayun nga missing samtang 43 nga iba pa ro naeowas matapos magtuhaw ro kaeayo sa barko ko Miyerkules it gabi-i, pilang kilometro eon lang halin sa Coron.
Padayun ro search and rescue operations matapos marekober it mga rescuer ro dugang nga mga bangkay sa sueod it barko. Naging mabudlay sigon ro operasyon bangud sa grabeng init ag asu sa sueod it saeakyang-pandagat.
Base sa manifesto, kapin sa 134 nga katawo ro sakay it barko, kaibahan ro 117 pasahero ag 17 tripulante.
Daywa man sa mga nakalistang pasahero ro napabalita nga owa nakasakay.
Padayun pang gina-imbestigahan it mga awtoridad ro rason it sunog.
