KALIBO, Aklan — Sangka proposal ro gindihon sa Sangguniang Bayan it Kalibo nga nagamandu sa Transport and Traffic Management Division (TTMD) it LGU-Kalibo sa paglunsar it dedicated hotline ag pagbutang it knowledgeable desk officer, kun sa siin, pwedeng makapaabot eagi it reklamo ro publiko angot sa mga na-encounter nanda nga abusado ukon pasaway nga tricycle drivers.
Suno sa proponent nga si SB member Matt Aaron Guzman nga sa raya nga pamaagi hay insigidang mapatawag ro complainant ag ro ginareklamong driver kaibahan ro operator it tricycle.
Sa oras nga makaangkon it hotline hay magapa-obra sanda it stickers para kara agud nga ipaskil sa mga nagabiyaheng tricycle para makita it mga commuters.
Agud nga masuportahan ro andang reklamo, dapat nga i-eakip ro body number it saeakyan agud nga madaling ma-trace ro operator ag driver.
Dugang pa ni Guzman nga tuyo kara nga obrahon nga madasig ag epektibo ro pagsabat sa mga reklamo, nga makabulig sa mga pasahero.
