Magapabulig eon ro Pilipinas sa mga kaeapit nga nasyon sa Asya para magbulig sa disaster and relief efforts kasunod it pagpanaeasa it Bagyong Kristine.
Suno kay Defense Secretary Gilberto Teodoro, makipag-angot ro Department of National Defense (DND) sa andang mga international counterparts partikular ro mga ASEAN countries para magpangayo it bulig engkasong kinahang-eanon it mga dugang nga resources para sa search, rescue and relief operation.
Ginpahayag ni Teodoro nga anda eon nga ginaeauman ro worst case scenario bangud sa posibleng maeapad ro maaywanan nga halit it bagyong Kristine.
Partikular nga gintumod ni Teodoro ro kaeapit nasyon nga Singapore, Malaysia, Indonesia ag Brunei kon sa siin magapangayo it bulig ro Pilipinas.
Ro Bicol region ro eubus nga naapektuhan it pagpanaeasa it Bagyong Kristine.
