Nag-umpisa eun nga magtaas ro demand sa lechon ag ham sa tunga it tempranong preparasyon para sa Paskwa ag Bag-ong Dag-on, suno sa Department of Agriculture (DA).
Suno kay Agriculture Assistant Secretary ag spokesman Arnel de Mesa, padayon eun ro pagtaas it demand sa lechon ag ham hasta sa mismong adlaw it paskwa ag bag-ong dag-on.
Sa pihak kara kampante ro DA nga makayanan sabton ro mataas nga konsumo sa mga nasambit nga commodity bangud sa nagapabilin sigon nga mataas ro supply it karne it baboy.
Una eun nga ginpahayag ni DA Secretary Francisco Tiu Laurel Jr. nga indi magpataw ro ahensiya it price cap sa lechon makaron nga holiday season, sa pihak it pagtaas it demand.
Rason it sekretaryo, ro lechon hay sangka luxury item ag bukon it basic necessity ngani indi pwede ipataw ro price control kara.
