KALIBO, Aklan—Nagnaba eon makaron ro demand sa pagpa-obra it lapida kumpara ko nagtaliwan nga mga dinag-on.
Raya ro ginpahayag ni Maria Erica Rubia, tag-ana it lapida maker sa banwa it Kalibo.
Suno kana nga umpisa nga makaangkon it promo package ro mga punerarya hay naghina eon ro andang mga walk-in customers.
Kaeabanan suno kana sa mga nagapa-obra kanda hay ro mga pamilya nga gustong pabayluhan ro lapida it andang mga mahae sa kabuhi nga nagtaliwan eon.
Kapareho sa nagahilapit nga pista minatay, bukon eamang ro mga vendors it bueak ag kandila ro naga-enjoy sa pagdugang it andang kita kundi maskin sanda nga naga obra it lapida pilang adlaw antes ro observance it All Saints ag All Souls Day.
Apang nagnaba ro andang mga customers bangud nga kaeabanan nga nakikipag-transaksyon kanda hay ro mga tag-ana it funeral parlors.
Samtang, ro presyo it lapida suno kana hay nakadepende sa size ag sa materyales nga ginagamit kapareho it marble , granite tiles , granite slabs ag iba pa.
Mas madahog ag barato suno kana ro himo sa tiles nga ceramics ag porcelain.
Kaabuan sigon sa mga pumueuyu hay ginapakita ro andang pagdumdum ag pagpalangga sa mga mahae sa kabuhi nga nagtaliwan eon pinaagi sa paglimpyo sa andang mga nitso ag ro pagbaylo ukon pagbutang it andang lapida.
Bangud nga peak season it andang business makaron nga oktubre, nagaeaum si Mrs Rubia nga maga-abu man ro magapa obra kanda it lapida.
Gindugang pa kara nga ro lapida making ro naging source of income it andang pamilya it masobra sa pilang dag-on eon ro nagtaliwan.
Raya hay nag umpisa sa pag negosyo nanda it mga marble products halin sa andang probinsiya sa romblon ag nag-venture sa lapida making.// Kabulig sigon nanda ro andang mga obrero nga experiensiyado eon sa pag-engrave ag ro anang asawa.
