KALIBO, Aklan—Nakibuylog ag suportado it Department of Natural and Environment Resources ukon DENR ro Love Boracay nga nag-umpisa kahapon nga adlaw it Biyernes, Abril 28 nga magabuhay hasta sa adlaw it Lunes, Mayo 1.
Suno kay DENR regional director Livino Duran, maabo eon ro napagdaanan it isla it Boracay maghalin sa temporaryong pagpasarado kara ko dag-on 2018 ag nasundan it pandemya nga haeos daywang dag-on nga nagpalumpo sa industriya it turismo.
Handom sigon nana nga amligan it tanan ro ginlimpyuhan nga isla kon sa siin nakabangon eon ro sektor it turismo.
Ginaeauman nana ro mga sustaining actions maghalin sa Aklan officials agud mas kapin pang mapabaskog ro turismo sa Boracay.
Mag-eowas kara, may mga nakataeana nga plano para sa pagpaumwad pa gid it isla nga daeayon nga makilaea bilang nagapangunang tourist destination sa bilog nga kalibutan.
