Department of Public Works and Highways, nagpatigayon it nationwide consultation para mas epektibong ma-aayos ro mga karsada sa nasyon

Padayon sa makaron ro taeatapan it Department of Public Works and Highways sa pagpatigayon it mga serye it consultations sa bilog nga nasyon.

Ginatuyo it tikang ngara nga ubrahong mas epektibo ro pag-saayos it mga karsada sa Pilipinas.

Sa sangka pagahayag hay ginhambae it ahensya nga parte raya it pagsaayos it Philippine Highway Maintenance Management Manual sa CAR, Regions 1, 2, ag 3.

Kun madumduman, nagpatigayon eon it konsultasyon sa NCR, Regions 4-A, 4-B, ag 5.

Dikara hay ginpokusan ro pag-buoe it feedback halin sa field engineers sa nasambit nga lugar.

Suno kay BOM Director Gene Ryan Altea, mabahoe ro ambag it pag-update it manual  para masolusyunan ro hangkat it urbanisasyon .