Medyu tiempo eon agud nga iplastar ro Department of Disaster Resilience bangud man sa pirmeng pag angkon it kalamidad sa nasyon.
Ko miyerkules nga adlaw, sangka magnitude 7 nga linog ro nag-uyog sa Luzon nga ro kabaskog hay nabatyagan man sa Metro Manila.
Sa Abra ro ginasugid nga epicenter it linog.
Natabu ro pag-uyog pilang adlaw matapos ro ginpatigayon nga State of the Nation Address (SONA) ni Pangueong Ferdinand Marcos Jr. nga kun sa siin namitlang nana ro importansiya it pirmeng maging haum ro nasyon bangud sa pirmeng pag angkon it kalamidad.
Napabalita man nga may mga casualties eon sa linog, maabu nga mga kabaeayan, edipisyo , simbahan ag maskin mga eskwelahan ro napabalita nga nakaangkon it crack ukon ginguba it linog.
Sa makarondaya nga mga hitabu, ag sa kaeapad it naapektuhan, kinahangean ro insigidang paghueag it gobyerno.
Maskin si PBBM hay pabor nga kinahangean ro sangka ahensya nga magatutok sa makarondaya nga mga hitabu rason nga igasueong nana sa Kongreso ro pagpasa it proposed bill nga nagatuyo nga mapatindog ro Department of Disaster Resilience.
Eabi pa ag kaibahan ro Pilipinas sa ginakabig nga disaster prone.
Kun may nakatutuk nga specialist agency nga may kaugalingon nga pondo mas mapadasig ro pagtau it bulig ag ayuda sa tiempo it anuman nga klase it kalamidad sa mga naapektuhan natong kababayan.
