Ginpasiguro it Department of Education ukon DepEd-Aklan nga preparado ro andang linyada sa nagahilapit nga Barangay ag Sangguniang Kabataan Elections ukon SK elections 2023.
Suno kay Architect Art Parel, Division Information Officer it DepEd Aklan nga syento porsiyento eon nga haom ro DepEd Aklan sa paeaabuton nga eleksyon sa pagpanguna ni Dr. Feliciano Buenafe Jr, Schools Division Superintendent it DepEd-Aklan.
Mabahoe sigon ro papel it mga manugturo sa nasambit nga aktibidad bangud nga sanda ro magaserbi nga Board of Election Inspectors nga magiging responsable sa madinaeag-on nga pagpatigayon it eleksyon.
Pahayag pa nana nga may task force ro DepEd nga magabuyot it dokumento may kaangtanan sa eleksyon ag tanan nga isyu ukon mga aberya nga naghalin sa eain-eain nga distrito it Aklan eabi eun ro mga division heads.
May mga miyembro suno kana nga may nakataeana nga mga ubrahon ro kada isaea.
Kampante si Architect Parel nga mabuytan it DepEd ro andang obligasyon.
Mensahe nana sa mga manugturo nga tinguhaan nga matawhay ag sistematiko ro matabo nga eleksyon ag sundon ro mga protocols nga gin-taeana.
