Nagpatigayon it Hampang Pagpadungog ro Department of Education ukon DepEd Aklan bilang kaparte it month long celebration it National Teachers Month halin ko Setyembre 5 kamana man it World’s Teacher Day sa adlaw it Miyerkules, Oktobre 5.
Suno kay Dr. Kyzil Lipar, Education Program Supervisor English it Division of Aklan, nagkaeain-eain nga pahampang ro ginpasakupan it mga manugturo maghalin sa 17 nga kabanwahanan sa probinsya it Aklan.
Tuyo kara nga mataw-an it igtaeopangod ro mga ginakabig nga baganihan pag-abot sa edukasyon.
Ginpahayag dugang ni Dr. Lipar nga ro nasambit nga aktibidad ag programa hay para kilaeahon ro kontribusyon it mga manugturo sa sektor it edukasyon eabi eon makaron nga una sa tunga it pandemya hay doble ro trabaho it mga manugturo.
Sa pihak kara, uwa sanda nagakataka para maobligahan ro responsibilidad sa mga inonga nga gustong magkaantiguhan sa klase
