Ginakabig eamang it Department of Education (DepEd) bilang sangka isolated case ro kaso it pagpamaril sa sueod it eskwelahan sa Tacloban City.
Ginpahayag ni DepEd Undersecretary Malcolm Garma, nga ‘isolated case’ eamang raya bangud sa kaabo it numero it mga eskwelahan sa nasyon.
Aminado man ro DepEd official nga kinahangean it maabong eskwelahan sa nasyon nga pabaskugon ro andang seguridad.
Plano it DepEd nga makipag-angot sa Philippine National Police (PNP), barangay officials, tanod ag community-based security groups para malikawan ro insidente.
Ro pagpabaskog it mga seguridad sa eskwelahan hay naga-depende gihapon sa bahoe ag abo it mga estudyante.
Una eon nga gin-mandu ni Pangueong Ferdinand Marcos Jr ro maid-id nga imbestigasyon sa nagtuhaw nga insidente.
