KALIBO, Aklan—Owa nagapundo ro Department of Education ukon DepEd Region 6 sa pag-follow-up ag pag-report sa central office agud nga masolusyunan ro kakueangan it mga school buildings ag classroom.
Raya ro ginpahayag ni Mr Hernani Escullar Jr., spokesman it DepEd Region 6 sa interview it Bombo Radyo Kalibo.
Engkaso suno kana nga mapatindog ro kueang nga classrooms nga naga-abot sa 14,178 sa bilog nga Western Visayas hay maabot eon kara ro ideal nga classroom-student-teacher ratio.
Nasayuran nga sa nasambit nga numero, 11,365 ro nagakinahangean it major repair; 11,551 ro nagakinahangean it minor repair; ag 1,443 ro kinahangean eon nga i-demolish bangud nga delikado eon.
Sa makaron hay 241 pa eamang ro padayon nga gina-construct ag 208 ro gina-repair ukon 3.17% it kueang nga classrooms.
Mag-eowas sa pondo nga nagahalin sa central office, nagabulig man sa pagpatindog it mga school buildings ro mga lokal nga gobyerno ag iba pang stakeholders .
