Pagabantayan ni Education Secretary Sonny Angara ro compliance it mga eskwelahan pag-abot sa pag implimentar it andang anti-bullying policy.
Suno kay Angara, required ro kada eskwelahan nga makaangkon it anti-bullying policy.
Maskin nga uwa ginahambae sa laye kon man-uno ka istrikto, kinahang-ean gihapon nga makaangkon it polisiya angot kara.
Nasambit man ni Angara ro kakueangan sa guidance councilors, haeos 5,000 sigon ro bakanteng posisyon rason nga pagatinguhaon it DepEd, Commission on Higher Education ag Civil Service Commission para masolusyunan raya.
Suno pa sa opisyal, nagaeaum imaw nga kunta mapun-an anay ro 5,000 nga bakanteng posisyon it maskin mga graduates it guidance counseling ag psychology.
Taw-an man kunta raya it palugit ukon limang dag-on para makabuoe it kinahang-eanon nga credentials.
