DepEd-VI, owa it namonitor nga problema sa nagapadayun nga end-of-school-year rites

KALIBO, Aklan–Nagapabilin nga maayos ro daeagan it nagapadayun nga end-of-school-year rites sa mga pampublikong eskwelahan sa bilog nga Western Visayas.

Raya hay base sa pagmonitor it Department of Education (DepEd)-VI sa 4,048 nga public schools sa rehiyon.

Suno kay Hernani Escullar Jr., tagapaghambae it DepEd-VI nga owa sanda it namonitor nga anumang maeagkuan nga problema mag-euwas sa pilang reklamo angot sa kontribusyon.

Insigida man sigon nanda nga ginrefer sa natungdan nga district office ro mga ginpaabot nga concern.

Samtang, malipayon man nga ginpaathag ni Escullar nga presenteng ginapatigayun ro full in-person nga end-of-school-year rites matapos ro daywang dag-on nga pagpanaeasa it pandemya.