Ginpirmahan ni Pangueong Ferdinand Marcos Jr., ro Administrative Order No. 47 nga nagatau it gahum sa sekretaryo it Department of the Interior and Local Government (DILG) nga itugyan sa mga awtorisadong representante ro pag-apruba it mga request para sa foreign travel it mga lokal nga opisyal it gobyerno.
Sa gahum it mandu it Pangueo, ginpirmahan ni Executive Secretary Ralph Recto ro Administrative Order (AO) No. 47 nga naga-amyenda sa AO No. 267 (1992) agud nga mapadasig ro pagproseso it naga-inabu nga aplikasyon para sa foreign travel it mga lokal nga opisyal.
Sa idaeum it Republic Act (RA) No. 7160 ukon Local Government Code, ginakinahangean nga magpangayo it pahanugot sa Office of the President ro mga opisyal it lokal nga gobyerno nga magabiyahe sa ibang nasyon kun ro biyahe hay eampas sa tatlong buean, pagahimuon sa tiempo it state of emergency ukon krisis, ag kun magagamit it pondo it gobyerno.
Ginmitlang man sa mandu ro mga sueundanan para sa opisyal nga local ag foreign travel it mga empleyado it gobyerno sa idaeum it Executive Order No. 77 (2019), nga nagatuyo nga obrahon nga mas episyente ag mas madasig ro mga sistema it gobyerno samtang ginapabilin ro saeabton ag bastante nga pagdumaea sa mga local government unit.
Magiging epektibo ro AO No. 47 matapos raya nga ma-publish sa Official Gazette ukon sa sangka peryodikong may maeapad nga sirkulasyon.
