NEWS Analysis–Kadungan it isyu sa pagbalik it reserve officers training corps ukon ROTC, ginarekomenda it commission on higher education ukon CHED nga i-eakip ro disaster response training.
Mag-eowas sa military training, importante man sigon nga masanay ro mga estudyante ukon volunteers kon paalin nga mag-alalay sa gobyerno kada may kalamidad.
Mataeupangdan nga kada makaangkon it kalamidad, nagasalig ro atong nasyon sa armed forces nga nagapaki sa resources it gobyerno.
Samtang, aminado man ro defense department nga sangka mabahoe nga hangkat nga obrahon nga mandatory ro ROTC sa nasyon.
Nauna eon nga ginproponer ni presumptive vice president sara duterte-carpio ko election campaign ro mandatory military service para sa tanan nga Pilipino nga naga-edad it 18 pataas.
Sa makaron hay ginahueat pa ro magiging aksyon it Kongreso sa nasambit nga isyu.
Maskin nga pabor kita sa proposisyon it CHED, dapat man nga matur-an ro mga pamatan-on sa pag-atubang sa kalamidad.
Ro aktwal nanda nga ma-obra ukon mapahauman ro sitwasyon antes, samtang ag matapos ro m anuman nga kalamidad.
Indi man maitago nga babad sa gadgets ro mga pamatan-on makaron, kueang sa exercise ag sa aktwal nga paghueag.
Indi naton masayuran kon masarangan baea nanda nga maka-survive sa anumang owa ginaeauman nga hitabu.
Rason nga tama eamang nga makaron pa eang hay tun-an eon kon paalin sanda nga matur-an nga maging haum , maaeam, mabaskog ag madiskarte.
Tandaan naton, ro mga pamatan-on gihapon ro pag-eaum it nasyon , sanda ro mga bag-ong henerasyon ag sanda ro magaserbi man nga kabaskog it nasyon.
