Nagapameligro nga makasuhan it plunder ro mga special disbursement officer ni Vice President Sara Duterte angot sa paggastos sa confidential funds nga naga-abot sa P612.5 million.
Suno kay Aklan 2nd district congressman Ted Haresco nga engkaso nga may makita nga ebidensiya nga gingamit sa personal gain ro confidential fund hay pwedeng makasuhan ro mga special disbursement officer it Bise Presidente .
Sa ginpatigayon nga mga hearing it quad committee, may nakita sigon nga mga fictitious ag erroneous nga acknowledgement receipts agud nga ma-justify ro pagbo-oe it nasambit nga pondo.
Dugang pa nga responsibilidad it mga special disbursement officer ro pagbuyot pondo, apang maskin sanda hay indi makasabat kon siin raya naagto.
Ro pagtau sigon it confidential fund sa bukon it otorisadong indibidwal hay pageabag sa protocol.
Klaru suno kana nga may pageabag sa sueundanan angot sa paggamit it confidenital fund.
Nagapati man si cong. haresco nga nasayuran it mga tawuhan ni duterte ro mga irregularities nga andang gin-obra.
Natukiban man sigon sa hearing nga ro gintaw-an it pondo hay sweldo sa security ni Duterte nga naga-abot sa masobra sa 300 .
Mag-eowas kara, makangawa-ngawa nga may 11 nga safe house ro Department of Education nga ginabayaran it montly rental nga 500,000 pesos.
