Waeo pang overseas Filipino workers halin sa Lebanon ro napauli sa Pilipinas ku Dominggo.
Suno sa Department of Migrant Workers (DMW), ro nasambit nga OFW returnees hay nag-abot sa Ninoy Aquino International Airport Terminal 1.
Ro kan-o eamang nga batch hay nagdaea it kabilugan nga numero it mga repatriated OFWs sa 450 ag dependents sa 28 halin ku Oktubre 2023.
Nakasaka gihapon sa Alert Level 3 sa Lebanon, nga naging daean para sa boluntaryong repatriation.
Sa andang pagbalik sa nasyon, ro OFWs hay nagbaton it P75,000 halin sa DMW AKSYON Fund, P75,000 halin sa Overseas Workers Welfare Administration (OWWA), ag livelihood assistance nga haegang P20,000 halin sa Department of Social Welfare and Development.
Pahayag it Presidential Communications Office ku Sabado nga 37 pang OFW ro maga-abot halin sa Istanbul, Turkiye makarong Lunes it gabei.
Suno sa DMW, indi magnaba sa 571 Pilipino ro naghinyo it boluntaryong pagpauli.
Sa kabilugan, 178 ro presenteng nagapabilin sa tatlong shelter it gobyerno sa capital Beirut.
Pahayag it DMW nga ginabuebanta nga 11,000 Pilipino ro nagaistar sa Lebanon.
