Aminado ro Department of Migrant Workers nga eapnag gihapon ro mga ilegal recruitment agency sa nasyon.
Angot kara hay ginsiguro it ahensiya nga padayon ro andang igakasa nga operasyon kontra sa mga peke ag nagapakuno-kuno nga lehitimong recruitment agency.
Suno kay DMW Undersecretary Bernard Olalia , mag-euwas pa sa mga pekeng recruitment agency, may una man nga mga pekeng individual nga nagapakuno-kuno nga bahin it mga illegal nga agency.
Suno kay Olalia, nakataeana nanda nga pasakaan it kaso ro tatlong indibidwal it kaso nga nagapakuno-kuno nga empleyado it sangka legal nga agency.
Ro mga raya hay ginaturo nga suspect sa pagpangloko sa 42 nga mga Pilipino.
Naga-alok man ro mga raya it pekeng trabaho sa nasyong New Zealand ag Canada bilang fruit pickers.
Nagaabot sigon sa P30,000 hasta P80,000 nga sweldo ro gina-engganyo it mga raya rason kun haman maabo ro nagapati sa andang modus.
Ginsugo man ro mga raya nga itao ro andang bayad gamit ro E-wallet.
Maatubang ro mga raya sa kasong large scale estafa bangud sa kaabuon it mga nabiktima kara sa bilog nga nasyon.
