-- ADVERTISEMENT --
Sa padayon nga pagtaas it kaso it dengue sa Pilipinas, kaabuan sa mga raya hay mga unga, hinambae it Department of Health (DOH) nga bukas sa posibilidad nga mag eksperimento sa pagiging epektibo it wolbachia infection sa mga namok bilang paagi it vector control.
Sa paglunsar it ahensya it mga dengue prevention program, hinambae ni Health Secretary Teodoro Herbosa nga naistorya eon nana ro mga researchers halin sa Singapore ag Taiwan angot sa nasambit nga tikang.
Ro nasambit nga eksperimento hay naga-tuyo nga injectionan it wolbachia ro mga namok eabi eon ro babayeng namok para indi eon mag-unga. Ro wolbachia hay masami nga nakikita ukon nabubuoe sa ibang mga sapat.
