KALIBO, Aklan—Naglunsar it information campaign ro Department of Health ukon DOH agud nga tur-an ro publiko it mga dapat nga obrahon agud nga makalikaw sa COVID-19.
Suno kay Dr. Cornelio Cuachon Jr. it Provincial Health Office ukon PHO Aklan nga ro kampanya hay ginatawag nga BIDA Solusyon sa COVID-19.
Importante suno kana nga ipabilin nga eowas ro kaugalingon kontra sa makamaeatay nga sakit ag maprotektahan ro ikamayad nga eawas it pamilya agud nga indi eon magkalhit ro mikrobyo.
Raya hay kasunod it padayun nga pag abu it bag-ong kaso it COVID-19 bangud nga owa nagasunod ro kaabuan sa minimum health standards nga kinahangean agud nga makalikaw sa virus.
Ginpaathag ni Dr. Cuatchon nga ro kada letra sa BIDA hay naga representar sa sangka bagay nga dapat obrahon agud nga makalikaw sa COVID-19.
Ro B hay bawae nga owa it mask; ro I hay i-sanitize ro mga alima ag maglikaw sa pagbuyot sa mga bagay; D hay dumistansya it sang metro ag ro A hay sayuron ro matuod nga impormasyon.
