Nagpahayag it suporta ro Department of Health (DOH) sa plano it Department of Education (DepEd) nga ipatuman ro full face-to-face classes sa nasyon sa buean it Nobyembre.
Ginpahayag ni Health Undersecretary Maria Rosario Vergeire, kinahang-ean eamang nga siguraduhon it DepEd ro kaeuwasan it mga estudyante sa oras nga eubusan eon raya nga ipatuman.
Suno kana, kung indi masarangan ro pag-angkon it physical distancing sa mga classroom hay dapat masunod gihapon ro iba pang minimum public health standards.
Dugang pa kara nga ubrahon gihapon nga mandatory ro pagsuksok it face mask mag-euwas kung may mga aktibidad nga kinahang-ean raya nga bue-on.
Apisar nga bukon it mandatory nga dapat bakunado ro mga magapasakop nga estudyante, gin-insister ni Vergeire nga dapat bakunado ro mga manugturo ag ro mga non-teaching personnel nga makasalamuha it mga unga.
