HEALTH News–Nagpanindugan ro Department of Health ukon DOH sa andang kampanya kontra sa paggamit it vape.
Raya hay sa atubang it pag-shift it maabu sa vaping, halin sa paggamit it sigarilyo, bangud sa pageaum nga makalikaw sa tuberculosis ukon TB ag iba pang sakit.
Suno kay Dr. Kezia Lorraine Rosario, Action Officer for the Presidential Directives on TB, nagapabilin ro posisyon it DOH kontra sa paggamit it vape.
Dapat sigon nga likawan ukon dapat nga indi eon pagsakdagon ro paggamit it tobacco related products kaibahan eon ro vape.
Sa mga naunang abiso it DOH, andang ginlaygayan ro publiko nga indi magpaloko sa vape ag mga saea nga impormasyon sa vape bilang alternatibo sa sigarilyo.
Ginpamilit it DOH, ro vape hay may sueod nga peligroso nga kemikal nga pwedeng magtuga it sakit sa baga, tagipusuon ag nagkaeain-eain nga klase it kanser base man sa ginpatigayon nga pagtuon
