Sa pihak it pagkabaeaka it Department of Labor and Employment (DOLE) ag Philippine Amusement and Gaming Corp. (PAGCOR) para sa libu-libong mga Pilipinong mawad-an it trabaho bangud sa pagbawae ni Pangueong Ferdinand Marcos Jr. sa mga Philippine offshore gaming operators (POGO) sa nasyon, ginpahayag ni Labor Secretary Bienvenido Laguesma ag PAGCOR chairman ag CEO Alejandro Tengco nga magasunod sanda sa mando it presidente nga gin-anunsyo sa anang ikatlong State of the Nation Address.
Ginpahayag ni Laguesma nga ginapahaom eon it DOLE ro andang mga plano para sa epekto it Philippine Offshore Gaming Operators ban kon sa siin ginatantyang 22,000 nga Pilipino ro mawad-an it trabaho.
Sa pihak kara, ginakabaeak-an ni Tengco ro posibilidad nga mag-inabo pa ro mga illegal nga Philippine Offshore Gaming Operators bangud sa ban rason nga kinahang-ean ro hugot nga pakikipag-angot sa mga ahensya sa pagpatuman it laye.
