Ginkoronahan si Joheirry Mola Dominguez it Dominican Republic bilang Miss World 2026 matapos pyerdihon ro 110 nga iba pang kandidata sa ginpatigayon nga coronation night sa Nha Trang, Vietnam, Setyembre 5.
Si Dominguez ro ikaywang Miss World winner it Dominican Republic, 44 anyos matapos mabuoe it nasyon ro unang korona ko 1982.
Naging sentro it anang plataporma ro pagtao it English programs sa mga ongang halin sa vulnerable communities, nga suno kana hay makabulig agud makaangkon sanda it mas maabong oportunidad sa paaeabuton.
Nagdaog bilang first runner-up si Elisabeth Reynés Alabern it Spain, samtang second runner-up si Taanusiya Chetty it Malaysia.
Sa pihak kara, nagtapos sa Top 12 ro pambato it Pilipinas nga si Asia Rose Simpson.
Nauna eon nga nakasueod imaw sa Top 40 matapos magdaog sa Head-to-Head Challenge para sa Asia ag Oceania ag awtomatikong umabante sa Top 20 bilang overall challenge winner.
Si Megan Young gihapon ro nagaisaeahanong Filipina nga nag-uli it Miss World crown matapos nana nga magdaog ko 2013.
