Nag-atubang eon kahapon, Biyernes nga adlaw ro doppelganger ni dismissed Bamban, Tarlac Mayor Alice Guo sa taeatapan it National Bureau of Investigation sa Quezon city.
Umabot raya kahapon pasado alas-2 it hapon sa NBI agod nga pangatubangon ro mga igabatong alegasyon kuntra kana agod nga lituhon sigon ro mga awtoridad.
Sa atubang ni Salazar sa NBI, nakasuksok raya it light green shirt, jeans, nakasuksok it face mask, nakasaeamin ag naka untay ro mahaba kara nga buhok kaparehas it kay Alice Guo bago raya magtago sa mga awtoridad.
Matandaan nga naunang nakaisturya NBI assistant director for investigation service Lito Magno si Alice Guo matapos maaresto raya sa Indonesia.
Dikara, ginpakita it NBI official kay Guo ro sangka picture sa anang cellphone ag gingkutana kung imaw ro babaye sa nasambitan nga picture, apang gingpamalibaran raya it ex-mayor ag gingsabat nga raya hay anang sangka staff.
Nauna eon man nga ginhambae it NBI nga posibleng ginamit ro nasambit nga aid ni Guo nga kinilaeang si Catherine Salazar bilang decoy o pamukhaon imaw nga si Alice Guo para palibugon ro ueo it mga awtoridad sa andang pag-usoy ko tyempo nagapanago si ex. Mayor Alice Gou ko buean it Hulyo.
