-- ADVERTISEMENT --
Gin-anunsyo it Department of Tourism (DOT) nga igalunsar kara ro pinakamabahoe nga job fair sa nasyon nga magatao it kahigayunan sa milyong Filipino nga naga-usoy it trabaho, eabi eon gid sa hospitality line of job.
Ginpahayag ni DOT Sec. Christina Garcia Frasco nga naga pakigbueuligan eon sanda sa Department of Labor and Employment (DOLE) sa pagpirma sa Memorandum of Understanding (MOU) nga gintaeana sa Agosto 30.
Ro ginbansagan nga “Trabaho, Turismo, Asenso! Philippine Tourism Job Fair”, hay nakataenang ilunsar umpisa sa Setyembre 22 hasta 24 sa SMX Convention Center Manila sa Mall of Asia Complex sa Pasay City.
Ro job fair hay sangka multi-month campaign ag magatapos sa Mayo 2023 para sa ika-50 Founding Anniversary it DOT.
