KALIBO, Aklan — Gusto nga maka-dayalogo it Department of Tourism ro lokal nga gobyerno it Aklan ag Malay.
Tuyo kara nga mausisa ro concern it mga stakeholders angot sa gina alegar nga pagmahae it panueuktan sa pilang tourist activities ag services sa Isla it Boracay.
Suno kay Tourism Secretary Christina Frasco nga maabu nga aktibidad sa isla ro nagtaas ro sukot kamana man nga may nagkaeain-eain nga baeayran nga ginasukot sa mga turista antes pa man sanda nga makasueod sa Boracay nga ginasugid nga matsa bukon eon it makatarungan ag nagapa-atrasar ag nagiging inconvenient sa pagbakasyon it mga turista.
Bangud kara, nababawasan ro interes it mga turista nga magbakasyon sa sambilog sa top tourist destination it nasyon kun sa siin mas ginapili eon lang nanda nga mag-agto sa Cebu ukon Bohol.
Nag-abot eamang sa 2.07 milyon ro tourist arrivals ko 2024 nga kapos sa target nga 2.1 milyon it Malay Tourism Office.
Nauna eon nga ginpahayag ni Malay Mayor Frolibar Bautista nga tuga it maeain nga paniempo ag pagnaba it numero it mga Chinese tourists rason nga nagnaba ro numero it tourist arrivals sa Boracay.
