Ginstriktuhan it Department of Transportation (DOTr) ro seguridad sa mga estasyon it Light Rail Transit (LRT) ag Manila Metro Rail Transit (MRT) bangud sa report nga pag-abo it krimen.
Suno sa DOTr Rail Sector, nakasigurado sanda nga indi eun mauman pa ro mga hitabo ag tanan nga mga inisyatibo hay anda nga ginhimo para matapna ro anuman nga krimen.
Pila sa mga ginahimo nanda hay ro pagpakalat it train marshalls, strikto nga koordinasyon sa mga kapulisan, pagbutang it mga dugang nga CCTV ag pagdugang it mga K9 units.
Base sa pinaka-ulihing datos it DOTr nga may una sanda nga nailistang 67 nga pandurukot sa kabilugan nga 44 milyong pasahero it LRT-1 halin Enero hasta Hulyo samtang may una nga 35 nga kaparehas nga insidente sa LRT-2 ag 250 insidente man sa MRT-3.
