Nakataeanang paga-umpisahan it Department of Public Works and Highways ukon DPWH-Aklan ro temporary repair sa mga nasamad nga karsadahon kasunod it naeksperyensiyahan nga pagbaha ko domingo nga adlaw, Disyembre 1 bangud sa sigidas nga pag-uean daea it shearline .
Suno kay Engr Joey Ureta, head it maintenance section it DPWH-Aklan nga bangud nga ubos eon ro andang pondo para makaron nga dag-on hay raya anay ro andang mahimo makaron.
Pagkatapos sigon it inspeksyon sa mga naapektuhan nga road section hay insigida sanda nga nagbutang it mga signages agud nga mapaandaman ro mga motorista nga nakaangkon it kasamaran ro portion it nasambit nga karsada.
Kaeabanan sigon kara hay sa banwa it balete ag altavas .
Bangud sigon sa bunok ag dere-deretso nga uean, nag-us-us ro pilang parte it karsada ag nag-collapse ro slope protection.
Owa suno kana naka disturbo sa trapiko ro na-damage nga portion it karsada bangud nga kaabuan kara hay sa outer lane .
Sa pihak nga parte, nakitaan man sigon it damage ro Tambak Bridge sa banwa it New Washington.
Indi pa nanda matumod kon nakaangkon it halit ro mga flood control project.
Sa pihak nga parte, sigidas man ro andang ginahimo nga pag-ayos sa mga potholes ag asphalt overlay sa parehong eastern ag western section it aklan sa idaeum it andang operation zero pothole .
