KALIBO, Aklan—Magapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002 ro sangka 45-anyos nga drug surendere matapos nga maaresto sa ginpatigayong drug buy bust operation it Provincial Drug Enforcement Unit (PDEU), Philippine Drug Enforcement Agency (PDEA) ag Kalibo PNP sa Sitio Centro, Brgy. Estancia, Kalibo.
Suno kay Police Major Frenzy Andrade, hepe it PDEU-Aklan, narekober sa suspek nga si Alfredo Madrigal y Tambong, tumandok it banwang Banga apang presenteng naga-istar sa nasambitang lugar ro sangka sachet it suspected shabu kabaylo it buybust money nga 9,000 pesos.
Sa pagrekisa it operatiba kay Madrigal, narekober dugang ro ap-at ka sachet it ginadudahang illegal nga droga.
Suno kay Andrade, madanlog sa mga operatiba si Madrigal matapos ro mabuhay eon raya nga ginmanmanan antes nga ginkasa ro operasyon sa sueod mismo it anang panimaeay.
Nagahalin pa suno kay Andrade sa syudad it Roxas ro supply ni Madrigal nga ginabaligya man kara sa anang mga parokyano sa banwa it Banga ag Kalibo.// ginpahayag dugang ni Andrade nga eain ro estilo it suspek kon siin tuso sigon raya pag-abot sa epektos.
Ana anay nga ginabaligya sa anang buyer ag pagkatapos hay daywa sanda nga maggamit it nasambitang kontrabando.
Ginalibre sigon ni Madrigal ro anang kaugalingon pinaagi sa binak-ean it iba.
Sa makaron si Madrigal hay nakakulong eon sa taeatapan it pulisya
