KALIBO, AKLAN — Ginbaril-patay it daywang uwa pa nakilaeang suspek nga nakasakay sa motorsiklo ro sangka 42-anyos nga drug surrenderee samtang sakay it anang pampasaherong tricycle sa national highway it Brgy. Odiong, Altavas, Aklan.
Namatay samtang ginabueong sa sangka pribadong ospital ro biktimang si Artemio Gervacio, Jr., alyas Nonoy Gov, residente it Poblacion, Altavas tuga it mga tama it bala sa anang likod ag iba pang parte it eawas.
Suno kay P/Chief Inspector Ariel Nacar, hepe it Altavas Police Station nga sakay sigon ro biktima it anang tricycle ag nagahueat it pasahero kat paeapitan it riding-in-tandem ag ginbinaril raya antes nga nagpaeagyo ro mga suspek paadto sa direksyon it banwang Balete.
Ginpahayag pa kara nga kaibahan ro biktima sa mga nagsurender sa andang ginlunsar nga “Oplan Tokhang”.
Padayon pa nga ginaimbestigahan it mga otoridad ro krimen para sa insigidang pagkadakop sa mga suspek.
