Gintaeana ni Pangueong Ferdinand R. Marcos Jr. si Undersecretary Ma. Cristina Aldeguer – Roque bieang Acting Secretary it Department of Trade and Industry (DTI), kasunod it paghalin sa puwesto ni Secretary Alfredo Pascual, epektibo makarang adlaw, it Agosto 2, 2024. Si Undersecretary Roque hay nangin daean para daehon ro MSME Development Group sa sueod it DTI, nagahiwat it sari-saring programa ag Inisyatiba nga nakatuon sa micro, small, and medium enterprises (MSMEs).
Pinangunahan man nana ro mga importanteng aspeto kaibahan eon ro Bureau of Small and Medium Enterprise Development, Bureau of Marketing Development and Promotions, OTOP Program Management Office, ag ro Comprehensive Agrarian Reform Program Management Office. Idugang pa kara ro ginhimo nana nga pagpamuno sa operasyon it Small Business Corporation and the Cooperative Development Authority. Buyot man ni Undersecretary Roque ro B.S. in Industrial Management Engineering, minor in Chemical Engineering, halin sa De La Salle University.
Nagtapos man ra it anang secondary education sa De La Salle Santiago Zobel sa Alabang ag ro anang primary education sa Colegio de San Agustin – Makati ag De La Salle Santiago Zobel. Sa pihak nga parte, gintaw an it diin ni Pangueong Marcos ro kahaeagahan it Department of Trade and Industry ag ro kinahang eanon it sangka may kakayahang liderato.
Ro DTI hay may mahaeagang papel sa pag-eago it ekonomiya it nasyon partikular eon ro pagsuporta sa MSMEs. Gin hambae it Pangueo nga rp dedikasyon ag liderato ni Roque sa MSME sector ro dahilan kung haman imaaw ro ‘excellent choice’ para sa posisyon. Samtang, pinasaeamatan man ni Pangueong Marcos si Pascual para sa anang serbisyo ag kontribusyon sa departamento, looking forward man ro Pangueo sa maayos nga transisyon sa idaeom it liderato ni Acting Secretary Roque.
