KALIBO, AKLAN – – – Haeos mapaeos ro dueonggan it sangka agi matapos nga gin-angkit it sangka babaye nga nakaaway sa sueod eamang it sang minuto sa sangka bar iya sa banwa it kalibo.
Duguan nga nagpadueong sa Aklan Provincial Hospital ro biktima nga si Jade Roldan, 41-anyos ag residente it Brgy. Bulwang, Numancia matapos nga gin-angkit it ginaturong suspek nga si Sheila Dela Cruz ag parehong waitress.
Suno sa pagpahayag it biktima, ginpasibangdan sigon imaw nga ginsamad ro sangka motor apang ginpamalibaran nana raya kon sa siin ro nangin motibo eamang sigon hay ro dati nanda nga banggi-anay.
Gina pabutyag dugang nga gintik-eod imaw it suspek butang nga nakaangkon it lastro sa likod hasta nga nag-aeangkitan sanda sa sueod it sang minuto.
Suno pa sa biktima, nakabaeos sigon imaw it pag-angkit sa alima ag dueonggan it suspek apang uwa nagdueot bangud uwa sigon imaw it ngipon.
Matapos nga nagpabueong, si Roldan hay insigidang nagdiretso sa Kalibo PNP Station agud magfile it kaso kontra sa suspek nga si Dela Cruz.
