-- ADVERTISEMENT --
Dugang nga $725 million nga military assistance ro nakataeanang igapadaea it Amerika para sa Ukraine.
Suno kay US Secretary of State Antony Blinken ro panibag-ong military aid it Amerika hay kasunod it brutal missile attacks it Russia sa mga sibilyan sa Ukraine ag naga-inabo nga ebidensiya angot sa ginahimu nga atrocities it Russian forces.
Kaibahan sa igapadaeang military package ro dugang pang ammunition para sa HIMARS rocket system, anti-tank weapons, anti-radiation missiles ukon ginatawag nga HARMs, vehicles ag medical supplies.
Sa kabilugan, nagabunae sa kapin $18.3 billion ro kabilugang military assistance it US umpisa it administrasyon ni Pangueong Joe Biden.
