KALIBO, Aklan—Ginakabig it Civil Service Commission (CSC) nga welcome development ro proposisyong laye nga magata-o it dugang nga bayad sa mga workers it gobyerno nga nagatrabaho it eampas sa andang regular nga office hours.
Suno kay Officer-in-charge Leo Jamorin it CSC-Aklan, uwa it rason nga inde nanda pagsuportahan ro nasambitang proposisyon bangud sambilog raya nga pamaagi agud nga mapasanyog pa ro kalidad it andang trabaho.
Ro ginaduso nga 20 porsyentong night differential pay it mga government workers hay magaserbeng compensation sa madueang oras sa pagkatueog it mga night shift workers.
Ginaeauman sigon nanda nga maipasa raya agud nga daeayong maging laye bangud nga nagakinahang-ean man it dugang nga benepisyo ro mga nagatrabaho sa gabi-e.
Ro Senate Bill No. 643 ni Senator Ramon Revilla Jr. hay nakapasa eon sa pangatlo ag ulihing pagbasa kon sa siin sakop kara ro mga permanent, contractual, temporary ag casual nga empleyado sa tanan nga ahensiya it gobyerno.
Ro pondo para dikara hay igaeakip sa dag-unang General Appropriations Act (GAA).
