KALIBO, Aklan – Posibleng dugangan ro puwersa it pulis nga igataeana sa State of the Nation Address (SONA) ni Pangueong Ferdinand Marcos, Jr., sa Hulyo 22.
Sa pakikipag-angot kay Philippine National Police (PNP) chief Gen. Rommel Francisco Marbil, hinambae nana nga una sa 22,000 ro regular nga numero nga andang igadeploy kada may SONA.
Apang kun may paeag, pahayag ni Marbil nga may nakaantabay eun sandang numero agud masiguro nga masabat ro mga gaadto sa SONA pati man ro mga gahimo it protesta.
Sa makaron sigon uwa pa man sanda it nababaton o nakikita nga paeag sa nagahilapit nga SONA.
Suno kay Marbil, ginasugtan man nanda ro protesta kun raya hay may permit ag kun bukon it awat sa daeagan it trapiko.
Maabong commuter ro nagareklamo sa gutok nga daeagan it traapiko kada SONA.
Dapat gihapon nga ipakita it mga pulis ro maximum tolerance.
Nagasalig man si Marbil nga magiging sibil ro mga protesters ag likawan nga mang-urot agud malikawan ro girian.
