Duterte uwa nahadlok nga mabalikan it mga sindikato it droga

Uwa nahadlok si Pangueong Rodrigo Duterte maskin balikan pa imaw it mga nasagasaan nana nga mga sindikato it ilegal nga droga.

Aminado ro Pangueo nga maabong mga sindikato ro naakig kana bangud sa naging kampanya kara kontra sa ilegal nga droga sa nasyon.

Uwa ginaduea ni Duterte ro posibilidad nga may mga gustong magbaeos kana.

Ginpasiguro ni Duterte nga padayon ro kampanya kontra sa ilegal nga droga hasta sa ulihing adlaw nana sa puwesto.

Aminado si Duterte nga bukon it madali nga makabaton it report angot sa mga namatay.

Apang, naakig sigon imaw kon may mga nagakasamad nga pamilya bangud sa ilegal nga droga.