KALIBO, Aklan – – – Patay ro sangka eaeaki matapos nga mabun-an bangud eamang sa sugae sa Brgy. Ondoy, Ibajay.
Dead on arrival nga gindaea sa aklan provincial hospital ro biktimang si George Ascaño, 30-anyos matapos nga nakaangkon it fatal nga lastro sa tiyan tuga it pagbuno it suspek nga nakilaea kay Rosanie Bores, 46-anyos ag parehong residente it nasambitang lugar.
Base sa report, nagtaya sigon sa sugae ro magtimbang nga parte apang ko ulihi hay uwa nagkasugot nga naging kabangdanan nga nabun-an si Ascaño sa anang sentido nga parte it tiyan nga nagresulta sa hinali kara nga kamatayon.
Samtang, natigayon man nga naaresto it mga kapulisan ro suspek nga si Bores ag presente eon sa makaron nga nakakulong sa lock-up cell it ibajay police station para sa nagakaigong disposisyon.
