POLICE Report — Arestado ro sangka 27-anyos nga eaeaki matapos bun-on sa uyahon ro sangka 22-anyos nga biktima gamit ro balisong sa Barangay San Rafael, Rodriguez, Rizal.
Nag-ugat ro insidente kat mabatian it biktima ro hinangae it suspek ag mga kaibahan kara angot sa pagsunog sa anang motorsiklo.
Nagresulta raya sa komprontasyon ag baeaywan.
Kat mapiyerde sa baeaywan, nagsueod ro suspek sa andang baeay ag bumalik nga may daeang balisong.
Gintinguhaan nana nga bun-on ro biktima sa eawas apang sa baylo hay tinamaan raya sa waea nga parte it uyahon.
Insigidang naaresto ro suspek pilang oras matapos ro insidente ag narekober man it kapulisan ro ginamit nga balisong.
Samtang, ginpamilit it suspek nga bukon it imaw ro nag-obra it hinangae nga naging ugat it kinagamo ag ginpahayag nga gintinguhaan eamang nana nga magpatunga sa away apang imaw pa ro nabun-an.
Nakataeanang pasakaan it kasong frustrated homicide ro suspek nga presenteng nakakulong sa Rodriguez Custodial Municipal Police Station.
