Kalibo Aklan ———-Nagapangatubang sa daywang ka mga kaso ro sangka eaeaki matapos nga mag-eabag sa ginapatuman nga curfew ag madakpan it marijuana sa Isla it Boracay.
Ro suspek hay nakilaea nga si Jay-R Taunan, 28-anyos ag residente it Sitio Tulubhan, Brgy. Manoc-manoc sa nasambit nga Isla.
Base sa report, naaktuhan it mga otoridad ro suspek sa binit it daean sa oras it curfew.
Sa pagpaeapit it mga nagrespondeng pulis hay nagsininggit sigon ro suspek ag nagbuhi pa it mga maeain nga tinaga.
Gilayon man nga gindaea si Taunan sa estasyon it pulisya ag ginkapkapan.
Sa pagbody search it mga otoridad narekober sa posisyon ag kontrol it suspek ro sangka sachet it ginapatihan nga marijuana.
Ginpaidaeom eon man sa inquest proceedings ro suspek kung siin magapangatubang imaw sa kasong pag-eabag sa Boracay Curfew Ordinance ag Republic Act 9165 ukon Comprehensive Dangerous Drugs Act of 2002.
