BALITANG Espesyal — Makaeoeo-oy ro gindangatan it sangka eaeaki nga nakilaea sa pangaean nga Wu halin sa Shenzhen, Guangdong, China.
Ginkinahangean nana nga magpaidaeum sa operasyon agud nga boe-on ro anang waea nga mata.
Ro dahilan? Pagpatay sa eangaw nga dumapo sa anang uyahon!
Sang oras matapos hampakon ro eangaw, nag-umpisa nga maghaeok ro waea nga mata ni Wu.
Insigida imaw nga nag-agto sa ospital, kun sa siin na-diagnose imaw nga may seasonal conjunctivitis ukon seasonal allergy.
Sa pihak it pag-inom it bueong, madasig nga nag-grabe ro kondisyon ni Wu.
Makataliwan ro pilang adlaw, haeos maduea-an eon it panan-awan ro anang waea nga mata.
Nagtuhaw sa dugang nga pag-eksamin nga ro anang allergy hay bacterial infection halin sa dumapo kana nga drain fly.
Sa owa it swerte, indi eon mapugngan it bueong ro pagkalhit it impeksyon.
Ag bangud nga peligroso kara nga maapektuhan ro anang utok, ginbo-oe eon lang it mga doktor ro anang waea nga eyeball.
Ginlaygayan man it mga eksperto ro publiko nga kun may mag-eupad nga insekto maeapit sa itsura, indi raya paghampakon, ag sa baylo hay, tapihon ukon tabugon eamang paeayo.
