KALIBO, Aklan — Arestado ro sangka mangunguma matapos madakpan it mga pulis it kalibre .45 nga baril ag mga bala sa katung-anan it kapistahan sa Brgy. Poblacion, Libacao, Aklan.
Gin kilaea ro suspek nga si Junifer Demas, 26, residente it Brgy. Mali-ao, Tapaz, Capiz.
Napansin sigon it mga naga ukupa sa sangka boarding house nga gina panag iyahan ni Mel Zonio nga may naga bukoe nga baril sa kilid it suspek.
Nakumpirmang may daeang kalibre .45 it baril nga loaded it magazine ag mga bala kat kapkapan ro suspek it mga pulis.
Nagpatigayun ro kapulisan it background check sa suspek pati eon ro gin halinan it baril nga owa it naga kaigong dokumento.
Nagpaidaeum sa inquest ro eaeaki para sa kasong pag eabag sa RA 10591 ukon Comprehensive Firearms and Ammunition Regulation Act.
