-- ADVERTISEMENT --
KALIBO, Aklan — Arestado ro sangka eaeaki matapos nga magpang-ayat it inaway kat mapierde sa pi-oe sa Purok 4, Brgy. Bulwang, Numancia, Lunes it gabi-i.
Sa fighting mood ro suspek nga si Dan Patricio, 38, tubong Brgy. Bonza, Libacao ag temporaryong naga-istar sa nasambit nga lugar matapos nga mapahuya sa anang kainuman.
Base sa report, samtang nga naga-inuman ro suspek ag si Joseph Ilig, 37, residente it nasambit nga lugar hay naisipan nanda nga magpi-oe, apang napierde si Patricio.
Nagbo-oe raya it kutsilyo sa anang pag-uli sa andang baeay ag ginhana nga bun-on ro biktima nga sa mayad nga swerte hay nakalikaw.
Sa pagresponde it kapulisan hay gin-aresto ro suspek ag gindaea sa presinto.
-- ADVERTISEMENT --
