POLICE Report — Ginbawian it anang hueam nga kinabuhi ro sangka eaeaki nga mangunguma matapos nga mahueog sa sangka irrigation canal nga sakop it Brgy. Camanacsacan sa San Jose City, Nueva Ecija.
Base sa report, nakilaea ro biktima nga si Joselito Juego, 36-anyos ag residente it Brgy. Camanacsacan, sa nasambit nga siyudad.
Suno sa imbestigasyon, nag agto sa irigasyon ro biktima agud nga buksan kunta ro gate it irigasyon para magpatubi sa anang eanas kat aksidente raya nga nadanlog ag nabagok ro ueo rason nga nahueog sa irigasyon.
Madasig man nga nakatawag it rescue team halin sa Bureau of Fire Protection ro mga nakasaksi, kun sa siin nagpatigayon eagi it search and retrieval operation.
Makataliwan eamang ro pilang minuto hay nahaw-as sa irigasyon ro eawas it biktima nga gindaea pa sa ospital it siyudad it San Jose, apang gindeklara raya nga dead on arrival.
