BORACAY, Island–Nagapangatubang sa kasong may kaangtanan sa droga ro sangka 35-anyos nga eaeaki matapos nga maaresto sa ginpatigayon nga buy-bust operation sa Zone 1, Brgy. Manocmanoc sa Isla it Boracay sa banwa it Malay, adlaw it Miyerkules, Nobyembre 27.
Ginkasa it Malay Municipal Police Station ro operasyon sa nasambit nga lugar nga nagresulta sa pagkaaresto sa suspek nga si si Victorino Baldon, alyas “Tibo”, 35-anyos ag residente it Catbalugan, Zamar ag temporaryong naga istar sa nasambit nga lugar.
Si Baldon hay naboe-an it pulisya it siyam nga plastic sachet nga may sueod it ginadudahan nga shabu kun sa siin ro waeo hay narekober sa ginpatigayon nga body search.
Nabo-oe man sa posisyon it suspek ro P6,600 nga gingamit bilang buy-bust money.
Ginkulong ro suspek sa custodial facility it Malay MPS samtang ro mga droga hay ginpadaea sa crime laboratory para sa chemical analysis.
